Ei derr Wiege loag is Kolla,
hotte seine Guckla zu,
aber uffe hotts is Molla,
und doo loags und schliefs asu.

Über Kollas senner Wiege,
o, wie woar doas wunderschien,
flug `n kleene, schworze Fliege
immer har und immer hien.

Emoll summt se, emoll brummt se,
emoll flug se lang verbei,
jitz eis Molla
voo dam Kolla,
flug se groade mitta nei.

Und nu goar doas Mißgeschicke,
och du orme Fliege du!
Ei dam selba Ogablicke,
Kolla macht sei Molla zu.

Mit `m Zingla
Hoot is Jingla
Sich dernoo noch hübsch belackt,
weil die Fliege
ei dar Wiege
und hoot roasnig gutt geschmackt.