Hott err schunt beim Kratschem drunda
Schunt doas Karassell gesahn?
Kummt ock hurtig; denn durt unda,
Kinder, Kinder, werd`s woas gan.
Kummt ock schnell,
Kummt ock schnell,
Uff doas schiene Karassell.

Fahrla hootīs zum druffe reita,
Elefanta zwee, drei Poar,
Und uff olla beeda Seita
Wane hootīs und Schlieta goar.
Fang ock oan,
Fang ock oan,
Du verpuchter Leiermoan.

Jedes Stickla kustīt enn Biehma,
Eemoll rimm, doo ies a weg,
Madla, hal dich oan a Riema,
Suste fleugst merr ei a Dreck.
Juchheida,
Juchheida,
Jitz giehtīs nooch Amerika.

Und die Leier, die muuß singa
Und die gruuße Glocke schlät
Eemoll vurna, eemoll hinga,
Nee, ma wird ju ganz verdräht.


Immer rimm,
Immer rimm,
Zahnmoll ies noch goarnich schlimm.

Obends brenna bunte Lichtla
Und die Mutter kimmt gerannt:
Junge, du verdommtes Frichtla -
Und die wackelt mit derr Hand -,
Kimmste schunt,
Kimmste schunt,
Du verpuchter Vagabund?

Und is hoagelt uff die Jacke,
Woas de konnst und woas de hust.
Jingla, Jingla, kreiz mei Backe,
O wie schnell vergieht die Lust.
O wie schnell,
O wie schnell,
O du schienes Karassell.