Inser Schulze

War sitt’s insem Schulza oan,
woas a britt und woas a koan?
Wenn ma insa Schulza sitt,
Oahnt ma’s nich, woas dar ool’s britt.

Errschtens britt a doß d’errsch wißr,
doß a gerne Kließla ißt.
Zweetens britt a ganz gewieß,
doß a schwitzt, wenn’s Summer ies.

Aber drittens-och herrje,
inser Schulze britt noch meh.
Drittens britt a, doß a gahnt,
Viertens wird a noß, wenn’s rant.

Fümftens weß a’s ganz bestimmt,
doß derr Herbst verm Winter kimmt.
Sechstens hoot a sich gafrat,
doß üm ees nich fuffza schlät.

Kinder, Kinder, seid ok schlau,
lernt ock immer ganz genau.
doß d’err. wenn dar Schulze sterbt.
dam sei Omt beizeita erbt.