Uff derr Uder bien iech derrheeme,
mei Koahn ies meine Welt,
Wosser, Strand und Beeme,
nischt, woas merr besser gefällt.
Meine Arbeit ies mei Stulz,
iech foahre Eisa, iech foahre Hulz,
Kohle aus oberschlesische Gruba,
Steene aus insem Geberge drube.
Iech foahre Garschte, iech foahre Weeße.
Woas Tausende schaoffta mit Mühe und Schweeße.
über merr huuch die Wulka ziehn,
frisch bläst merr derr Wind ei die Hoare,
meine Reese gieht weit ei dei Fremde hien,
iech foahre, iech foahre.
Wosser, Strand und Beeme,
nischt, woas merr besser gefällt,
uff der Uder bien iech derrheeme,
mei Koahn ies meine Welt.